Прадукты, багатыя антыаксідантамі, такія як чорны чай, шакалад, арэхі і ягады, могуць павысіць рызыку развіцця некаторых відаў раку, высветліла група даследчыкаў з Цэнтра імуналогіі і даследаванняў рака імя Лаўтэнберга пры Яўрэйскім універсітэце ў Ерусаліме, паведаміла прэс-служба навучальнай установы, піша ria.ru.

«Пільны аналіз выявіў вінаватага, які прымушаў рак хутка пашырацца ў тоўстай кішцы: кішачная флора, што вырабляе метабаліты, вядомыя як «антыаксіданты», якія ў высокіх канцэнтрацыях утрымліваюцца ў такіх прадуктах, як чорны чай, шакалад, арэхі і ягады», — гаворыцца ў прэс-рэлізе.

Група даследчыкаў пад кіраўніцтвам прафесара Інона Бен-Нерыі засяродзілася на ролі кішачнай мікрафлоры, вывучаючы рак страўнікава-кішачнага тракту, і, магчыма, знайшла прычыну, па якой толькі 2% ракавых захворванняў развіваюцца ў тонкай кішцы, тады як 98% — у тоўстым кішачніку. Прычына, на думку навукоўцаў, у галоўным адрозненні паміж гэтымі органамі — у наяўнасці кішачнай мікрафлоры. У тонкім кішачніку мала бактэрый, у той час як тоўсты кішачнік населены багатай мікрафлорай.

«Навукоўцы пачынаюць звяртаць усё больш пільную ўвагу на ролю кішачнай мікрафлоры ў нашым здароўі: як на яе станоўчы эфект, так, як і ў дадзеным выпадку, на яе часам згубную ролю ў правакаванні некаторых хвароб», — растлумачыў Бен-Нерыя.

Ключавую ролю ў развіцці раку, на думку навукоўцаў, адыгрывае бялок пад назвай р53, які дзейнічае як клеткавы бар'ер, душачы генетычныя мутацыі ў клетцы. Калі ён пашкоджаны, то ён не проста перастае абараняць клетку, а, наадварот, стымулюе развіццё раку, дапамагаючы пухлінам пашырацца і расці.

Каб вывучыць уплыў кішачнай мікрафлоры, даследчыкі ўводзілі мутаваныя бялкі р53 у тоўсты і тонкі кішачнік. У тонкім кішачніку бялкі ператвараліся ў нармальны р53, душачы рост ракавых клетак, у той час як у тоўстым кішачніку яны заставаліся вернымі сваёй прыродзе і правакавалі пашырэнне раку. Віной усяму, на думку Бен-Нерыі, багатае мікраарганізмамі асяроддзе тоўстага кішачніка. Каб дадаткова праверыць ідэю аб ролі мікрафлоры тоўстага кішачніка, ізраільскія навукоўцы душылі яе з дапамогай антыбіётыкаў, і ў гэтым выпадку мутаваны р53 больш не правакаваў рак.

Калі даследчыкі вывучалі, як багатая антыаксідантамі дыета дзейнічае на мышэй, яны выявілі, што ў гэтым разе іх кішачная флора паскарала рэжым стымуляцыі раку бялком р53.

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру