На Светлагорскім ЦКК адбылося надзвычайнае здарэнне — два чалавекі ў бальніцы, адзін у вельмі цяжкім стане, піша Tut.by.
Фота Івана Ярывановіча
Пра здарэнне паведаміла маці аднаго з пацярпелых — зваршчыка Аляксея Сасноўскага. У гэты момант яна знаходзіцца ў калідоры рэанімацыйнага аддзялення Светлагорскай раённай бальніцы. Жанчыне сказалі, што ў сына 90% апёкаў.
Аляксей больш за 11 гадоў працуе на ЦКК зваршчыкам. Сёння ён прыкладна а 16-й з напарнікам выконвалі працы ў цэху варэння цэлюлозы. Што адбылося, пакуль невядома. У Аляксея, па словах яго мамы Наталлі Уладзіміраўны, цяжкі стан. З Гомеля ў райцэнтр выклікалі дактароў, бо транспарціроўка пацярпелага немагчымая.
Другі рабочы пацярпеў менш — у яго не небяспечныя для жыцця апёкі на нагах і твары.
У завадской дыспетчарскай не пацвердзілі, але і не абверглі інфармацыю аб НЗ, а потым сказалі, што не абавязаныя прадастаўляць інфармацыю журналістам.
