Першы прэзідэнт Леанід Краўчук пагадзіўся ўзначаліць украінскую дэлегацыю ў Трохбаковай кантактнай групе па ўрэгуляванні сітуацыі на Данбасе. Пра гэта ён паведаміў у офісе прэзідэнта Украіны піша bbc.com.
«Я прыняў рашэнне, калі змагу, а я хачу гэтага, нешта зрабіць, каб паскорыць мір на Данбасе. Буду рабіць гэта да апошняга ўздыху. Вось чаму я пагадзіўся», — сказаў палітык.
Леаніду Краўчуку 86 гадоў. Леаніду Кучме, якога ён змяніў ў перагаворным працэсе, 81.
28 ліпеня офіс прэзідэнта Украіны паведаміў, што Кучма пакінуў працу на чале ўкраінскай дэлегацыі ў Трохбаковай кантактнай групе.
Уладзімір Зяленскі падзякаваў другому прэзідэнту і сказаў, што праца Кучмы ў Мінскім працэсе была важнай і складанай. Ён адзначыў, што з павагай ставіцца да яго рашэння сысці.
Леанід Кучма ўжо адыходзіў ад працы ў Мінску са спасылкай на ўзрост. Аднак пасля перамогі Зяленскага на выбарах вярнуўся ў дэлегацыю.
