Фота Паўла Марцінчыка
Чатыры станцыі новай лініі метро гарадскія ўлады разлічвалі адкрыць да 3 ліпеня, але тэрміны перанеслі ў сувязі з неабходнасцю наладкі абсталявання. Тады ж агучылі новую дату — 9 жніўня. Але, падобна, адладзіць абсталяванне і да гэтага дня метрабудаўцы не паспеюць, піша kp.by.
— У нас пакуль ёсць пэўныя праблемы, нам трэба старанна адладзіць 84 сістэмы, якія гарантуюць бяспеку эксплуатацыі метро. У нас сёння заканчваюцца работы па мантажы і наладцы. Пакуль дата застаецца адкрытай, — патлумачыў «Камсамолцы» Аляксей Мурач, галоўны інжынер дырэкцыі па будаўніцтве Мінскага метрапалітэна.
Ён нагадаў, што на нарадзе Лукашэнкі з актывам горада было загадана адкрыць новую лінію да канца года.
— Мы, вядома, імкнёмся адкрыць яе раней, але і гарантаваць, што заўтра яе адкрыем, не магу, — сказаў суразмоўца.