Кадр з кліпа TOR BAND «Жыве»

Новая песня Лявона Вольскага — гэта новы шэдэўр паэзіі. А вось TOR BAND, якіх многія запомнілі па хітах «Мы не народзец» і «Хто, калі не ты», ударылі магутным кліпам.

Лявон Вольскі. Іржавая дзяржава

Іржавая дзяржава
Сваю атруту п'е.
Ні жалем, ні пажарам
Не ўратаваць яе.

Карозія металу
Пажэрла мэханізм.
З усіх магчымых рухаў
Дасяжны толькі ўніз.

Рэфрэн:

Пад ветрам задрыжала
Іржавая дзяржава.
Ёй дыхае ў спіну
Сапраўдная краіна.

Жрацы іржавай секты
Па вушы ў хлусні.
Сабе не вераць самі,
Каго з іх ні вазьмі.

Яны чытаюць мантру:
«Нідзе няма іржы!»
Але усе ўсё бачаць —
Кажы ці не кажы.

Рэфрэн:

Пад ветрам задрыжала
Іржавая дзяржава.
Ёй дыхае у спіну
Сапраўдная краіна.

Іржавая дзяржава
Скрыгоча і трашчыць.
Палохае турмою,
Застрашвальна крычыць.

Шмат роспачы і болю,
Няспраўджаных надзей.
Але іржы ўсё болей,
І скон усё бліжэй.

Рэфрэн:

Пад ветрам задрыжала
Іржавая дзяржава.
Ёй дыхае ў спіну
Сапраўдная краіна.

TOR BAND. Жыве!

Хочаш падзяліцца важнай інфармацыяй ананімна і канфідэнцыйна?

110
Alehna / Адказаць
31.07.2020 / 22:01
Гы-гы-гы
4
айса / Адказаць
31.07.2020 / 22:08
малайцы
3
VVV / Адказаць
31.07.2020 / 22:17
Жыве Беларусь!
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру