АНТ: Людзі з Бангалора прыйшлі проста на канцэрт і не будуць галасаваць за Ціханоўскую
У эфіры канала АНТ выйшаў сюжэт аўтарства Ігара Тура, у якім той паразважаў пра самы масавы мітынг у гісторыі краіны за апошнія гады. На думку супрацоўніка дзяржаўнага тэлеканала, многія людзі прыйшлі не на мітынг, а на канцэрт, ды галасаваць за Ціханоўскую не будуць.
«Часам электарат спрабуюць пераканаць, што важнейшае — шум і маляўнічая карцінка ў перыяд агітацыі, а не працэнт набраных галасоў», — кажа вядучы.
Тур запэўнівае: колькі дакладна было людзей на Бангалоры, дакладна невядома.
На яго думку, на мітынг не прыйшло і 3% ад насельніцтва Мінска.
Тур паведамляе, што сам схадзіў на мітынг, і пахваліў штаб за тое, што яны сабралі сапраўды добры для карцінкі натоўп.
«Скончыўся рабочы дзень, прагуляўся — і вось у парку open-air, прычым цалкам бясплатна. Прайшоў на клапатліва абгароджаную міліцыяй тэрыторыю, не баюся нейкіх пазаштатных сітуацый, можна расслабіцца. Мітынг доўжыўся чатыры гадзіны з іх выступ альтэрнатыўнага штаба — хвілін 30-40», — кажа вядучы.
Словы Ціханоўскай і яе штаба Тур не стаў ацэньваць, а канцэрт пахваліў.
«Але гэта зусім не азначае, што 9 жніўня я прыйду на выбарчы ўчастак і аддам голас у падтрымку гэтага кандыдата. Нават не так: я дакладна гэтага не зраблю», — кажа супрацоўнік дзяржаўнага тэлеканала.
Ён прапанаваў параўнаць мерапрыемства не з мітынгамі і акцыямі, а з музычнымі фестывалямі.
Цяпер чытаюць
Амерыканскі авіяблогер: Літаральна кожны беларус, з кім я размаўляў пра палітыку, казаў, што Лукашэнка — абсалютны вар’ят7
Каментары