На мітынгу Святланы Ціханоўскай у Гродне выступіў Віктар Шумель, дырэктар Гродзенскага цэнтральнага спартовага комплексу «Нёман». Ён стаў вядомы ўсёй краіне пасля таго, як напісаў адкрыты ліст да кіраўніка штаба Лукашэнкі Міхаіла Орды. Ён, як і многія калегі, абурыўся словамі Орды пра агульную падтрымку дзейнага прэзідэнта прафсаюзамі і выйшаў з аб'яднання.

На мітынгу Шумель сказаў натхнёную прамову, працытуем яе цалкам.

«Мая гісторыя зрабіла многа шуму. Многія сказалі, што гэта гераізм. Да чаго мы дажылі: адкрытае выказванне свайго меркавання лічыцца гераізмам!

Але мы самі да гэтага прыйшлі. Нас прымушалі маўчаць, баяцца, нам не дазвалялі выказаць сваё меркаванне. І мы баяліся, мы нават на кухнях шэптам размаўлялі, бо ўсім нам ёсць што губляць. Ці то работу, ці то нават пакой у інтэрнаце.

Але за гэты час мы згубілі намнога болей, чым нейкі пакой у інтэрнаце. 

Мы згубілі свабоду слова, свабоду сходаў, права абіраць і быць абранымі, прэзумпцыя невінаватасці забытая цалкам. Вы гэта ўсё бачыце вакол, пра гэта не трэба казаць і гэта не трэба даказваць.

Цяпер ёсць шанец усё змяніць. Для гэтага трэба проста адкрыта заявіць пра жаданне карыстацца ўсімі правамі, якія нам належаць, а не толькі мірным небам і суверэннасцю, якімі нас закалыхвае ўлада.

Першы крок — самы страшны. Далей — гара з плеч. Далей — толькі радасны настрой і рух наперад. Зрабіце першы крок — зрабіце свой выбар. І прыйдзіце 9 чысла, каб адстаяць свой выбар.

Ніцшэ пісаў: «Немагчыма быць вольным ад таго, ад чаго ўцякаеш». Я не збіраюся ўцякаць. І я заклікаю вас адстойваць свае свабоды», — сказаў Віктар Шумель.

Хочаш падзяліцца важнай інфармацыяй ананімна і канфідэнцыйна?

3
Alisa / Адказаць
01.08.2020 / 20:42
Кожны раз сабе нагадваю словы Віктора Дзмітрыевіча  Бабарыкі - "праўду казаць легка і прыемна!" З гэтага дня - прафсаюзы - ідзіце міма.... выходжу! Дзякуй Віктар!
2
Мордехай В. / Адказаць
01.08.2020 / 20:49
Наадварот. Правы зваліліся людзям нібы снег на галаву. Яны іх з радасцю самі аддалі, каб займацца працай, хатай, тачкай ды падсобнай гаспадаркай. Бо не разумелі, ці баяліся, ці наогул ну вас усіх, адыдзіце ад мяне!

А зараз з'яўляюцца людзі, якія ўжо на гэтыя правы маюць попыт. Гэта добра. Нараджаюцца страты, якія мысляць палітычна. У адрозненне ад лагернага саўка.

Але гэта працэс, цяжкая праца без хуткіх прыбыткаў, а не пстрычка пальцамі ды потым банкет.

Часам людзі не хочуць праўды, бо не жадаюць, каб рассыпаліся іх ілюзіі (Ніцшэ)
6
Дед Мороз / Адказаць
01.08.2020 / 21:33
Чотка! За нами победа!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру