На стадыёне «Юнацтва» ў Стоўбцах 3 жніўня а 18 гадзіне павінен быў пачацца мітынг у падтрымку кандыдата ў прэзідэнты Святланы Ціханоўскай. Самой яе на сустрэчы не планавалася, але павінны былі прысутнічаць давераныя асобы.
«Напярэдадні сустрэчы на стадыён падагналі тэхніку, а таксама бурна імітуюць рамонтныя работы, — расказаў «НН» Мікалай Лысёнкаў, кіраўнік штаба Сяргея Чэрачня, а таксама жыхар Стоўбцаў. — Налілі нейкай вады, кажуць, што сёння ўжо нічога не зробяць, а толькі заўтра. Робіцца, каб перашкодзіць у правядзенні сустрэчы з даверанымі асобамі Ціханоўскай».
Адметна, што ля стадыёна «Юнацтва» падчас рамонтных работ прысутнічаў асабіста начальнік ідэалагічнай работы райвыканкама Дзмітрый Слесарчык. Навошта галоўнаму ідэолагу раёна кантраляваць гэты працэс, незразумела.
У выніку мітынг увогуле адмянілі. Арганізатары сустрэчы прасілі начальства адкрыць другі ўваход на стадыён, але тыя адмовіліся і ўвогуле зрабілі выгляд, што іншых дзвярэй няма. Праз нейкі час асноўныя вароты ўвогуле замкнулі на замок, сказалі, што аварыйная сітуацыя. У штаб Ціханоўскай даклалі, што правядзенне мітынгу немагчымае.
Цяпер чытаюць
62-гадовую намесніцу дырэктара мінскай гімназіі адправілі ў калонію за палітыку3
62-гадовую намесніцу дырэктара мінскай гімназіі адправілі ў калонію за палітыку
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары