Delfi.lt
У Літву бесперашкодна змогуць прыехаць замежныя студэнты, інвестары, а таксама беларусы, якія хочуць трапіць у краіну «з асаблівымі гуманітарнымі мэтамі», піша Delfi.lt.
На гэтыя групы асоб не будуць распаўсюджвацца звычайныя забароны, уведзеныя Літвой з-за імкнення утаймаваць пандэмію каранавіруса.
Як інфармавала на пасяджэнні ўрада міністр унутраных спраў Рыта Тамашунене, выключэнне для беларусаў прапануецца зрабіць «з-за развіцця сітуацыі ў суседняй Беларусі».
«Прыняўшы пад увагу нараду рабочай групы па ацэнцы маніторынгу стану з нацыянальнай бяспекай і сфармуляваную пазіцыю аб развіцці сітуацыі ў суседняй Беларусі, і каб даць права грамадзянам гэтай краіны (прыязджаць) з асаблівымі гуманітарнымі мэтамі, прапануе ўключыць у пастанову (…) дадатковую катэгорыю замежнікаў», — сказала Р. Тамашунене.
«Гэта замежнікі, якія прыязджаюць у Літоўскую Рэспубліку з асаблівымі гуманітарнымі мэтамі, па прадстаўленні міністра ўнутраных спраў, — дадала яна.
