Каардынатар Віктара Бабарыкі па Першамайскім раёне Мінска Юрый Васкрасенскі працягвае знаходзіцца ў СІЗА КДБ. Пра гэта «Нашай Ніве» паведаміла ягоная жонка Алеся.
Аднак 20 жніўня на старонцы Васкрасенскага ў фэйсбуку раптоўна з’явіўся допіс: «Доўга думаў, аналізаваў, і раптам усвядоміў. Незалежная Беларусь з яе праблемамі ці яе страта? Для мяне выбар відавочны».
«Усе каментары, якія робяцца пад гэтым допісам ідуць наўпрост на адрас Камсамольская, 17», — сказала Алеся.
Юрый Васкрасенскі быў затрыманы пасля выбараў. На БТ і іншых дзяржаўных тэлеканалах паказвалі ягоныя «прызнанні» наконт таго, у каго ён браў грошы на «рэвалюцыю». Свае паказанні Васкрасенскі чытаў па паперцы.
0
0
0
0
0
0
