Пра гэта заявіў сёння генпракурор Аляксандр Канюк.
«Стварэнне і дзейнасць Каардынацыйнай рады накіраваны на захоп дзяржаўнай улады, а таксама на прычыненне шкоды нацыянальнай бяспецы Рэспублікі Беларусь. Па гэтым факце заведзена крымінальная справа па артыкуле 361 Крымінальнага кодэкса», — заявіў генпракурор Аляксандр Канюк.
Нагадаем, 14 жніўня Святлана Ціханоўская ініцыявала стварэнне Каардынацыйнай Рады для трансферу ўлады ў Беларусі. У склад Рады ўвайшлі каля 70 чалавек. Прэзідыум складаецца з сямі чалавек:
— Святлана Алексіевіч (нобелеўская лаўрэатка па літаратуры)
— Вольга Кавалькова (давераная асоба Ціханоўскай)
— Марыя Калеснікава (штаб Бабарыкі)
— Павел Латушка (экс-міністр культуры, дыпламат)
— Максім Знак (юрыст Бабарыкі, а пазней — юрыст Аб'яднанага штаба)
— Сяргей Дылеўскі (стачкам Мінскага трактарнага завода)
— Лілія Уласава (юрыстка-міжнародніца, медыятар).
Артыкул 361 КК — гэта «Заклікі да дзеянняў, накіраваных на нанясенне шкоды нацыянальнай бяспецы Рэспублікі Беларусь».
