
Фота Надзеі Бужан
Павел быў затрыманы два з паловай месяцы таму, 7 чэрвеня, пасля пікета на Камароўцы. Яму далі 15 сутак, потым яшчэ 15 сутак, дадаліся не адбытыя суткі за снежаньскія акцыі пратэсту.
Меркавалася, што ён выйдзе на волю ў пятніцу, 21 жніўня, па адбыцці 75 сутак.
Але як напісала яго жонка ў фэйсбуку Вольга: «Толькі што званілі са Следчага камітэту. Паведамілі, што ёсць непасрэдна ўзніклае падазрэнне ў здзяйсненні злачынства. Ён затрыманы на 72 гадзіны і знаходзіцца ў ІЧУ на Акрэсціна».
Адвакат потым патлумачыў Вользе, што яе мужа падазраюць па артыкуле 293 КК аб падрыхтоўцы да масавых беспарадкаў, як у многіх іншых палітвязняў, паведамляе Радыё Свабода
Каментары