Кшыштаф Шчэрскі фота з фэйсбука
Польшча не мае намер парушаць тэрытарыяльную цэласнасць Беларусі. Пра гэта заявіў кіраўнік кабінета прэзідэнта Рэспублікі Кшыштаф Шчэрскі, паведамляе Польскае агенцтва друку.
«Нас засмучае і здзіўляе тое, што ў прапагандзе беларускіх уладаў з'яўляюцца здагадкі аб тым, што Польшча нібыта мела намер парушыць тэрытарыяльную цэласнасць гэтай дзяржавы. У Польшчы такіх намераў не было і няма», - сказаў Шчэрскі.
Паводле яго слоў, Польшча заўсёды адстойвае вяршэнства міжнароднага права ў адносінах паміж дзяржавамі, а падмурак гэтага закону - -прынцып суверэнітэту і тэрытарыяльнай цэласнасці дзяржаў.
0
0
0
0
0
0
