Для ўдзелу ў ланцугу ад Вільні да мяжы Беларусі зарэгістраваліся амаль 50 тысяч чалавек
Амаль 50 тыс. чалавек зарэгістраваліся для ўдзелу ў масавай акцыі ў падтрымку пратэстоўцаў у Беларусі, падчас якой удзельнікі стануць у «жывы ланцуг» ад Вільні да мяжы з Беларуссю. Пра гэта ў нядзелю ў эфіры нацыянальнага радыё LRT паведаміла адна з яе арганізатараў Габія Мілашутэ.
«Да ўдзелу зарэгістравана 48 тыс.чалавек. Напэўна, такіх было б і больш, але вырашана спыніць рэгістрацыю, каб пазбегнуць затораў і хаатычнага збору людзей», - сказала яна.
Акцыя пачнецца на Кафедральнай плошчы ў цэнтры літоўскай сталіцы, адтуль удзельнікі выбудуюцца да пасольства Беларусі, а затым па аўтамагістралі Вільня—Мінск расцягнуцца да кантрольна-прапускнога пункта Медзінінкай на літоўска-беларускай мяжы.
Працягласць «ланцужка» складзе каля 35 км. У акцыі прыме ўдзел прэзідэнт Літвы Гітанас Науседа, аб чым паведаміла яго прэс-служба.
Цяпер чытаюць
Польшча прызнала Аляксандра Машэнскага непажаданай асобай34
Каментары