Алег Басілашвілі падтрымаў купалаўцаў: Без жаху немагчыма глядзець на здзекі ўладаў з мірнага народа
ТАСС
Народны артыст СССР, акцёр Алег Басілашвілі выступіў з падтрымкай калектыву Купалаўскага тэатра, піша Радыё Свабода.
«Падтрымліваю маіх беларускіх тэатральных пабрацімаў, а таксама мастацкага кіраўніка тэатра імя Янкі Купалы, рэжысёра Мікалая Пінігіна. Мы шмат працавалі з ім на сцэне БДТ.
Без жаху немагчыма глядзець на здзекі ўладаў з мірнага народа. У любога нармальнага чалавека сэрца абліваецца крывёй гледзячы на пакуты людзей, якія адважыліся здзейсніць сваё канстытуцыйнае права — выказаць сваё меркаванне».
Басілашвілі ў 2008 годзе назваў акупацыяй увод расійскіх войскаў у Паўднёвую Асецію, а Мінкульт Украіны ўнёс акцёра ў «белы сьпіс» артыстаў, якія «падтрымліваюць тэрытарыяльную цэласнасць і суверэнітэт Украіны». Басілашвілі выступіў супраць анексіі Крыма.
Каментары