Калеснікава: Урад быў прызначаны ў абыход канстытуцыйнай працэдуры, яго статус спрэчны
На гэта прадстаўніца Каардынацыйнай рады Марыя Калеснікава звяртае ўвагу ў сваім відэазвароце.
«17 жніўня ўрад склаў паўнамоцтвы «перад зноў абраным прэзідэнтам». Гэта прадугледжана артыкулам 106 Канстытуцыі, і гэта дзеянне ўжо адбылося. Нагадваю, што тэрмін дзеючага прэзідэнта заканчваецца 5 лістапада.
Згодна з артыкулам 83 Канстытуцыі, толькі пасля інаўгурацыі зноў абраны прэзідэнт упаўнаважаны прызначыць новы ўрад. Інаўгурацыя павінна быць праведзеная да 9 кастрычніка.
Аднак ужо 19 жніўня прэзідэнт прызначыў новы ўрад.
Да правядзення цырымоніі інаўгурацыі ўрад не мог быць прызначаны.
Больш за тое, паводле артыкула 106 Канстытуцыі, прэм'ер-міністр прызначаецца прэзідэнтам са згоды Палаты прадстаўнікоў.
Гэта азначае, што пасля інаўгурацыі варта таксама атрымаць згоду Палаты прадстаўнікоў, і толькі пасля гэтага можа быць сфармаваны склад новага ўрада.
На гэты момант новы ўрад прызначаны прэзідэнтам з парушэннем заканадаўства. Статус урада спрэчны», — лічыць Марыя Калеснікава.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары