26.04.2009 / 01:16

Юрыю Туронку - 80 гадоў 4

Будучы знакаміты гісторык нарадзіўся 26 красавіка 1929 г. у Дукштах. І шмат гадоў адпрацаваў экспертам міжнароднага хімічнага рынку.

Юры Туронак, фота Арцёма Лявы.

Знакамітаму беларускаму гісторыку 26 красавіка спаўняецца 80 гадоў.

Юры Туронак нарадзіўся ў 1929 г. у Дукштах (сёння гэта Літоўская Рэспубліка). У Дукштах працаваў ягоны бацька, вядомы дзеяч заходнебеларускага руху лекар Браніслаў Туронак.

Пры канцы Другой сусветнай вайны маці Ю. Туронка – муж заўчасна памёр у 1938 г. – вырашыла вярнуцца на радзіму бацькоў, на Беласточчыну. А ў 1945 г. потым, як вядома, Сталін аддаў Беласточчыну ПНР.

Так Юры Туронак і апынуўся ў Польшчы.

У Варшаве ён скончыў Галоўную школу планавання і статыстыкі.

Працаваў у Польскай замежнагандлёвай палаце, даследаваў кан’юнктуру міжнароднага хімічнага рынку, нават працаваў у Еўрапейскай эканамічнай камісіі ў Жэневе.
Паралельна браў актыўны ўдзел у беларускім руху ў Польшчы, узначальваў грамадска-культурнае таварыства.
Ад пачатку 1960-х Юры Туронак захапіўся гістарычнымі даследаваннямі:
вывучэннем нацыянальнага руху пачатку ХХ ст., беларуска-польскіх дачыненняў у ХХ ст., гісторыі рыма-каталіцкай царквы ў Беларусі.
У 1986 г. у Варшаве абараніў доктарскую дысертацыю «Беларусь пад нямецкай акупацыяй». У 1993 г. кніга выйшла па-беларуску ды зрабілася бестселерам.

У 2007 г. яна вытрамала другое выданне, з праўкамі ды ўдакладненнямі аўтара.

Юры Туронак таксама аўтар такіх кніг, як «Беларускае школьніцтва на Беласточчыне» (1976), «Беларуская кніга ў Другой Рэчы Паспалітай» (2000), «Беларуская кніга пад нямецкім кантролем» (2002), «Вацлаў Іваноўскі і адраджэнне Беларусі» (1992, 2007). Дарэчы Іваноўскі таксама быў выдатным хімікам.

У 2006 г. ягоныя ранейшыя працы былі перадрукаваныя ў зборніку пад агульнай назвай «Мадэрная гісторыя Беларусі».

«Наша Ніва» віншуе Юрыя Браніслававіча з днём народзінаў ды зычыць моцнага здароўя, а таксама чакае новых працаў.
0
zmicer3 / Адказаць
26.04.2009 / 07:58
tak, zdarouja zdarouja iajshche raz zdarouja, pavazany Jury Branislavavich Zyvie Belarus!!
0
Яўген / Адказаць
26.04.2009 / 09:45
Набуду кнігу Юрыя Туронка 'Беларусь пад нямецкай акупацыяй'. ася: 449-994-553 мыла: forkpcrew@hotmail.com [звярніцеся вось сюды: http://www.knihi.net/index.php?productID=628 вэб-рэдактар]
0
mikalaj z cyryna / Адказаць
26.04.2009 / 12:38
З задавальненнем чытаю Вашы кнiгi. Вiншую , жадаю здароу*я!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру