26.04.2009 / 20:23

Беларусь – Славакія – 2:1 Канада - Венгрыя - 9:0 8

Падапечныя Глена Хэнлана выйгралі гэты матч па булітах і валідоле ды ўзялі першыя балы на чэмпіянаце.

Алег Антоненка прыносіць перамогу беларусам

На 73-м чэмпіянаце свету па хакеі, што распачаўся 24 красавіка ў Швейцарыі, падапечныя Глена Хэнлана правялі другі матч.

Сёння мы гулялі са Славакіяй.

Пасля трох перыядаў лік у гульні матчы быў 1:1. Адкрыў лік у матчы Андрэй Стась ("Дынама" Мінск), здарылася гэта на34-й хвіліне матчу. За дзве з паловай хвіліны да канца трэцяга перыяду Марсел Госса ("Дынама" Рыга) лік зраўняў.

Овертайм скончыўся безвынікова.

А потым былі валідольныя буліты.

Лік адкрыў Алег Антоненка ("Дынама" Масква), Штэфан Ружычка адразу зраўняў.

Потым Міхаіл Грабоўскі ("Таронта") вельмі эфектна закінуў, развярнуўшыся на 180 градусаў, шайбу. Але яе не залічылі. Суддзі ўгледзелі парушэнне ў выкананні буліту. Міхаіл падчас выканання штрафнога адкаціўся назад, што забаронена правіламі.

Ні Ладзіслаў Надзь, ні Аляксей Калюжны, ні Любамір Бартэчка, ні Штэфан Ружычка (зноў) сваёй магчымасці не рэалізавалі.

А пераможную кропку паставіў Алег Антоненка – 2:1.

Беларусы атрымалі два балы (перамога па булітах), славакі – адзін бал.

23:59

Увечары зборная Канады проста змяла зборную Венгрыі - 9:0.

Турнірнае становішча:

Канада – 6 балаў, Славакія – 4, Беларусь – 2, Венгрыя – 0.

У аўторак, 28 красавіка, беларусы згуляюць са зборнай Венгрыі.

Пачатак матчу ў 17:10. Увечары аўторка пройдзе гульня Канада – Славакія.

Хочаш падзяліцца важнай інфармацыяй ананімна і канфідэнцыйна?

0
bL8dy_R8ts / Адказаць
26.04.2009 / 20:49
Малайцы хлопцы!
0
Кірыл з горада Барысаў / Адказаць
26.04.2009 / 21:50
Андрей Мезин - лучший!
0
магадан / Адказаць
26.04.2009 / 21:58
здаецца, месца ў васьмёрцы забяспечана. Трэнера заслуга, каб паставіў на матч з Канадай - не мелі б нічога. Цвяроза ацаніў сітуацыі. Цяпер ёсць неблагія шансы, калі які копаць-2 зробіць цуд на Жэнеўскім возеры і паставім на месца якіх чэхаў ці рускіх... эх...
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру