За 26—28 красавіка зарэгістравана 48 дарожна‑транспартных здарэнняў, у якіх пацярпелі людзі.
Пра гэта БелаПАН паведамілі ва ўпраўленні Дзяржаўтаінспекцыі МУС.
У выніку ДТЗ 7 чалавек загінулі і 49 атрымалі траўмы рознай ступені цяжкасці.
Даволі рэдкі выпадак гібелі людзей, як зазначылі ва УДАІ МУС, адбыўся 27 красавіка ў Бабруйскім раёне.
32‑гадовы мужчына спрабаваў на хаду заскочыць у кузаў трактара, якім кіраваў яго бацька. Аднак ён не змог утрымацца за борт і ўпаў пад колы.
У Салігорскім раёне 26 красавіка ў выніку ДТЗ загінуў 23‑гадовы хлопец, які ішоў практычна пасярэдзіне праезнай часткі. Спачатку яго збіў аўтамабіль, які рухаўся ў спадарожным напрамку, а затым — сустрэчная машына.
0
0
0
0
0
0