29.04.2009 / 12:25

Выпальваў траву — згарэла восем дамоў 1

у вёсцы Крынічкі Барысаўскага раёна 27 красавіка.

У вёсцы Крынічкі Барысаўскага раёна ў выніку пажару 27 красавіка знішчана або пашкоджана восем дамоў.

Як паведамілі БелаПАН ва УУС Мінскага аблвыканкама, мяркуемая прычына ўзгарання — неасцярожнае абыходжанне з агнём 56‑гадовага мінчаніна, які ў двары свайго дома спальваў смецце і леташнюю траву.

У выніку пажару апёкі першай і трэцяй ступені атрымалі два пенсіянеры — брат і сястра.
Хуткаму распаўсюджанню агню садзейнічаў моцны вецер і блізкае размяшчэнне пабудоў.

Ахвярай выпальвання леташняй травы ў Валожынскім раёне стала 97‑гадовая жыхарка вёскі Пілюжына. Яна загінула 25 красавіка.

БелаПАН

0
Кнехт / Адказаць
30.04.2009 / 16:59
Як паведамілі БелаПАН ва УУС Мінскага аблвыканкама, мяркуемая прычына ўзгарання — неасцярожнае абыходжанне з агнём 56‑гадовага мінчаніна, які ў двары свайго дома спальваў смецце і леташнюю траву. ================ З лукашызмам будзе з дакладнасцю наадварот: змагаліся з крызісам, а спалілі дыктатуру (смецце і леташнюю траву).
Каб пакінуць каментар, калі ласка, актывуйце JavaScript у наладах свайго браўзеру