Афіцыйны прадстаўнік Дзяржаўнага памежнага камітэта Антон Бычкоўскі пацвердзіў «Свабодзе», што вялікая група хасідаў на аўтобусах вяртаецца на тэрыторыю Беларусі.
У ведамстве заявілі, што 570 хасідаў праходзяць беларускі пашпартны кантроль і арганізавана садзяцца ў аўтобусы. Там не выключаюць, што да вечара 18 верасня, калі будзе адзначацца юдэйскі Новы год, нікога з паломнікаў на мяжы не застанецца.
Ці гэта іх самастойнае рашэнне або вынік таго, як нейкім чынам паспрыялі беларускія ўлады, не ўдакладняецца.
Агулам больш за 1500 чалавек спрабавалі трапіць у горад Умань, дзе пахаваныя пачынальнікі руху хасідаў. Аднак Кабінет міністраў Украіны ў мэтах барацьбы з распаўсюдам каранавіруса ўвёў абмежаванні на ўезд замежнікаў да 28 верасня.
«Сваю набожнасць яны праяўляюць шумна і весела». Хто такія хасіды і што ім трэба ва Украіне?
Украіна заклікала кіраўніцтва Беларусі перастаць ствараць дадатковае напружанне ў сувязі з хасідамі
0
0
0
0
0
0
