Вясноўцы прызнаюць маладзечанцаў Пяскова і Еўсцягнеева палітвязнямі
Сёння суд Маладзечанскага раёна прысудзіў Паўлу Пяскову і Уладзіславу Еўсцягнееву, якіх судзілі па ч. 2 арт. 363 Крымінальнага кодэкса за супраціў супрацоўнікам АМАПа з ужываннем гвалту падчас патасоўкі з сілавікамі на акцыі 19 чэрвеня, тры гады і тры месяцы ды роўна тры гады калоніі адпаведна.
Прысуд вынесла Вікторыя Паляшчук.
Як заявіў «Нашай Ніве» праваабаронца пазбаўленага рэгістрацыі праваабарончага цэнтра «Вясна» Валянцін Стэфановіч, яны прызнаюць хлопцаў палітычнымі вязнямі.
«У Маладзечне праводзілі мірныя сходы, якія з'яўляюцца такімі па стандартах АБСЕ. Яны не неслі пагрозы жыццю і здароўю грамадзян або нацыянальнай бяспецы. Пры гэтым, людзі былі атакаваныя міліцыяй, якая спрабавала спыніць сход, у тым ліку дэманстравалася табельная зброя. У выніку гэтага і атрымалася сітуацыя, справакаваная такой рэакцыяй міліцыі. Пры гэтым, абвінавачаныя Пяскоў і Еўсцягнееў не нанеслі супрацоўнікам фізічнай шкоды — тыя не выстаўлялі адпаведных позваў. Таму так, мы будзем прапаноўваць на абмеркаванне шырокай праваабарончай кааліцыі пытанне аб прызнанні іх палітвязнямі, бо прысуд занадта жорсткі і, пры адсутнасці палітычных матываў, быў бы меншым», — сказаў Стэфановіч.
Двум маладзечанцам далі па тры гады за спробу адбіць у амапаўцаў затрыманага на акцыі за свабодныя выбары
Цяпер чытаюць
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне5
Каментары