06.05.2009 / 10:27

Крыўдна. За крок ад паўфіналу Дадаліся фоты Юліі Дарашкевіч 19

Беларусь – Расія – 3:4.

Зусім крышачку не хапіла зборнай Беларусі, каб выйсці ў паўфінал сусветнага першынства па хакеі.
Шмат хто думаў, што для леташніх чэмпіёнаў расіян матч з беларусамі стане лёгкай прагулкай. Дзе там! Нашы, як і абяцаў Андрэй Мезін, далі сапраўдны бой.

Бел‑чырвона‑белыя беларусы імкнуліся не саступаць суперніку ні на міліметры пляцоўкі. Толькі поўная самааддача магла прынесці вынік, і нашы не шкадавалі сябе.

Многія адзначалі, што шанцы ў беларусаў могуць з’явіцца толькі ў тым выпадку, калі не прапусцім у першым перыядзе. І гэта атрымалася.

Затое ў перыядзе другім усё закруцілася. Спачатку наш капітан Канстанцін Кальцоў лік адкрыў. Прошкін адыграўся. Антоненка змоў вывеў наперад беларусаў. Намаганнямі Ацюшова і Фралова супернікі, здавалася б, пераламалі ход паядынку. Аднак на апошняй хвіліне перыяду Руслан Салей змог скарыстаць большасць.

Карвалольна‑валідольны адрэзак матчу атрымаўся, калі карыстацца лексікай каментатара Навіцкага.

Склалася ўражанне, што толькі тады расіяне зразумелі, што ўсё вельмі сур’ёзна, і ў іх могуць узнікнуць вялікія праблемы. У такія моманты звычайна на авансцэну выходзяць вялікія гульцы. І ў нашых супернікаў такі знайшоўся — Ілля Кавальчук.

Менавіта ён у сярэдзіне трэцяга перыяду закінуў апошннюю шайбу ў гульні — 3:4.

Нашы мелі некалькі някепскіх шанцаў, каб зноў лік зраўняць, але не пашанцавала. Хэнлан абдымаў пасля гульні сваіх хлопцаў, яны цалкам аддаліся барацьбе.

Зміцер Панкавец

У паўфінале зборная Расіі згуляе з ЗША, што выйграла свой чвэрцьфінал у Фінляндыі - 3:2.

***

Зборная Беларусі на шляху да чвэрцьфіналу прайграла Канадзе (1:6), выйграла ў Славакіі (2:1, буліты), Венгрыі (3:1), Нарвегіі (3:2, овертайм), Фінляндыі (2:1, буліты), прайграла Чэхіі (0:3).

Падапечныя Глена Хэнлана паўтарылі поспех 2006 г., калі таксама выйшлі ў плэй-оф.

А ў пятніцу вызначыцца гаспадар чэмпіянату свету па хакеі 2014 г. Пасля таго, як Венгрыя вылецела з эліты, нашыя шанцы на правядзенне першынства рэзка выраслі. Нашыя супернікі - Латвія і Украіна.

0
Саянаў / Адказаць
06.05.2009 / 18:49
Гляджу гульню на http://ru.justin.tv/viasat. Ну нашыя даюць Расеi прачухону! Пасьля другога перыёду 3:3! Гульня - супэр!!!
0
заўзятар / Адказаць
06.05.2009 / 20:07
Шкада...:( Але Хлопцы - малайцы! Далі фору маскалям!
0
Радаслаў / Адказаць
06.05.2009 / 20:08
Шкада, Мезін, канешне, малайчына, але абарона ў нас слабая...
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру