06.05.2009 / 21:17

Урачысты вынас гродзенскага «Нёмана» 7

Здаецца, БАТЭ адчуў сваю леташнюю гульню. У шостым туры нацыянальнага першынства барысаўцы дома зладзілі форменны разгром гродзенскага «Нёмана».

Здаецца, БАТЭ адчуў сваю леташнюю гульню. У шостым туры нацыянальнага першынства барысаўцы дома зладзілі форменны разгром гродзенскага «Нёмана».
Гасцей нават было крышачку шкада — 6:0. Па два галы забілі Крывец і Скавыш, яшчэ па разу адзначыліся Няхайчык і Стасевіч.

БАТЭ яшчэ больш замацаваў сваё лідэрства. Бо ўсе галоўныя прэтэндэнты пункты згубілі. Пра «Нёман» мы ўжо сказалі.

Жодзінскае ж «Тарпеда» ў шостым запар гасцявым матчы разыграла прывабную баявую нічыю з «Дынама» (Брэст) — 2:2. А наваполацкі «Нафтан» увогуле досыць сенсацыйна саступіў «Мінску» — 0:2.

Затое нарэшце парадавала сваіх аматараў «Дынама» мінскае. Сталічная каманда дома з цяжкасцю, але абыграла «Віцебск» — 2:1. Галы ў пераможцаў забілі Мбанангой і Драгун.

Пачынае папахваць першай трэнерскай адстаўкай у сезоне. Усіх у адмоўным сэнсе дзівіць салігорскі «Шахцёр». Маючы някепскі падбор выканаўцаў каманда абсалютна не можа набіраць пункты. Вось і ў гэтым туры саступілі «Дняпру» — 0:1.

У смаргонскай бітве аўтсайдэраў «Смаргонь» мінімальна перамагла «Граніт» — 1:0. Першая перамога каманды з гістарычнай Віленшчыны.

А найбольш захапляльны матч захапляльны матч разыгралі МТЗ‑РІПА і «Гомель». Як і ў Барысаве, так было забіта шэсць галоў. Што праўда, па тры ў кожныя брамы.
Мінчане намаганнямі літоўца Лукшы выратаваліся на другой даданай хвіліне — 3:3.

Турнірная табліца пасля шасці тураў выглядае наступным чынам:

БАТЭ — 18 пунктаў, «Тарпеда», «Дынама» (Мінск) — па 11, «Нёман», «Нафтан» — па 10, «Дняпро» — 9, МТЗ‑РІПА, «Дынама» (Берасце) — па 8, «Віцебск» — 7, «Шахцёр», «Гомель», «Мінск» — па 6, «Смаргонь» — 4, «Граніт» — 3.

Найлепшы бамбардзір Сяргей Крывец (БАТЭ) — 6 галоў.

Зміцер Панкавец

0
Кнехт / Адказаць
06.05.2009 / 22:04
Трэба думаць, што Урачысты ў вашым загалоўку - гэта прозвішча?
0
wint / Адказаць
06.05.2009 / 22:06
Жодзінскае ж «Тарпеда» ў шостым запар гасцявым матчы разыграла прывабную баявую нічыю з «Дынама» (Брэст) — 2:2. =========== Гэта як? Рэд. У "Тарпеда" стадыён на рэканструкцыі, таму ўсе матчы пакуль гуляюць у гасцях.
0
wint / Адказаць
07.05.2009 / 01:19
Паважаны Рэд., яны могуць гуляць не на сваім родным стадыене, але і не ў гасьцях. Гасьцявы паядынак - на пляцоўцы суперніка.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру