Пракурор Мінска: За два месяцы бюджэт горада пацярпеў ад акцый пратэсту на 900 тысяч рублёў
Бюджэту Мінска, камунальным службам нанесены «ўрон» на суму каля 900 тысяч рублёў, гэта пачынаючы з 9 жніўня. Пра гэта ў эфіры СТБ заявіў мінскі пракурор Алег Лаўрухін.
«Можна казаць пра тое, што бюджэту горада, камунальным службам нанесены ўрон на суму каля 900 тысяч рублёў, гэта пачынаючы з 9 жніўня і да сёння. Безумоўна, частка гэтай сумы будзе ахоплена ў тым ліку і тымі дзеяннямі, якія кваліфікуюцца як крымінальныя злачынствы. Трэба сказаць, што пытанне пакрыцця шкоды знаходзіцца на асаблівым кантролі ў органах пракуратуры Мінска», — сказаў Лаўрухін.
Таксама паведамляецца, што органы пажарнай службы даволі часта выязджаюць на дэмантаж «недзяржаўнай сімволікі», выдаткавана каля 27 тысяч рублёў.
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы58
Каментары