08.05.2009 / 14:02

Эканоміка яшчэ не дасягнула раўнавагі 2

Золатавалютныя рэзервы ў красавіку зноў скараціліся амаль на 400 млн даляраў ЗША.

Золатавалютныя рэзервы ў красавіку зноў скараціліся амаль на 400 млн даляраў ЗША.

Міжнародныя рэзервовыя актывы (золатавалютныя рэзервы) Беларусі, разлічаныя па стандартах МВФ, скараціліся ў красавіку на 390,4 млн. даляраў (на 9,8%) і на 1 мая дасягнулі 3 млрд. 564,8 млн. даляраў ЗША. Такія звесткі абнародаваны Нацыянальным банкам Беларусі.

На 1 студзеня 2009 года памер золатавалютных рэзерваў Беларусі па методыцы МВФ складаў 3 млрд. 61,1 млн. даляраў. Увесь час з пачатку года ажыццяўляліся запазычанні на замежных рынках, а таксама прыходзілі іншыя паступленні памерам 1 млрд. 913 млн. даляраў ЗША, якія былі залічаны ў склад золатавалютных рэзерваў.

У прыватнасці, у студзені 2009 года Беларусь атрымала першы транш крэдыту МВФ у памеры 788 млн. даляраў ЗША, у лютым — 625 млн. даляраў ад продажу чарговага пакета акцый ААТ «Белтрансгаз», у сакавіку Беларусь атрымала чарговы транш расійскага крэдыту на суму 500 млн. даляраў ЗША.

За 2008 год золатавалютныя рэзервы Беларусі скараціліся на 1 млрд. 121,1 млн. даляраў, нягледзячы на першы транш расійскага крэдыту ў памеры 1 млрд. даляраў, які паступіў у лістападзе, і ў снежні — крэдыту Венесуэлы ў 500 млн. даляраў. З улікам гэтых сродкаў сукупнае зніжэнне золатавалютных рэзерваў у 2008 годзе склала каля 2 млрд. 621,1 млн. даляраў.

Згодна з методыкай МВФ, міжнародныя рэзервы Рэспублікі Беларусь вызначаюцца як высокаліквідныя замежныя актывы, якія складаюцца з манетарнага золата, спецыяльных правоў запазычвання Беларусі ў МВФ, рэзервовай пазіцыі краіны ў МВФ і валютных рэзерваў.

Яны могуць быць аператыўна выкарыстаны для інтэрвенцый на валютных рынках для стабілізацыі курсу нацыянальнай валюты, фінансавання ўрадам імпарту тавараў і паслуг, разлікаў па пагашэнні і абслугоўванні дзяржаўнага знешняга доўгу, на іншыя мэты.

Аляксей Арэшка, БелаПАН

0
Кнехт / Адказаць
08.05.2009 / 17:41
А людзі кажуць, што ў нас казна зусім пустая.
0
Скандал / Адказаць
10.05.2009 / 20:57
Россия выдала кредит несуществующему государству (!) http://gov.consultant.ru/doc.asp?ID=51169 Классификатор стран мира (в редакции Изменения 8/2008 ОКСМ). Общероссийский классификатор стран мира (ОКСМ) входит в состав Единой системы классификации и кодирования технико-экономической и социальной информации (ЕСКК) в Российской Федерации. ОКСМ гармонизирован с Международным стандартом ИСО 3166-97 "Коды для представления наименований стран ", разработанным Международной организацией по стандартизации (ИСО), и Межгосударственным классификатором стран мира МК (ИСО 3166) 004-97. ОКСМ предназначен для идентификации стран мира и используется в процессе обмена информацией при решении задач международных экономических, научных, культурных, спортивных связей и т.д. http://www.consultant.ru/online/base/?req=doc;base=LAW;n=68225 Как видим, такой страны, которая указана в тексте Распоряжения Путина не существует. Кридит выдан какой-то стране, которая вне списка. Где находится такая страна? Вопрос, кому выданы деньги и кто их будет возвращать?
Каб пакінуць каментар, калі ласка, актывуйце JavaScript у наладах свайго браўзеру