Уладзіслава Казуліна затрымалі вечарам 25 кастрычніка ў дварах на Арлоўскай.

Пра гэта «НН» расказаў ягоны дзед, былы кандыдат у прэзідэнты і палітвязень Аляксандр Казулін.

Уладзіслаў Казулін. Фота з інстаграма

«Усе павінны праз гэта прайсці, каб прыйшло асэнсаванне таго, што адбываецца ў нашай краіне,

— па-філасофску адказвае Аляксандр Казулін. — Пазваніў сябра Уладзіслава ўчора, іх разам затрымалі, сябра адпусцілі, а ўнука — не. Сёння чакаем суда».

Уладзіславу Казуліну 18 гадоў, ён студэнт 2-га курса факультэта прыкладной матэматыкі і інфарматыкі БДУ.

Спыталіся ў Аляксандра Казуліна, ці ўдзельнічае ён у нядзельных маршах.

«Канечне, хаджу. Уражанні, думаю, ва ўсіх добрыя ад таго, што адбываецца.

А што тычыцца гранат, спецтэхнікі, АМАПа, то мы ўсё гэта прайшлі яшчэ ў 2006 годзе, тады 25 Сакавіка было прыкладна тое самае», — кажа спадар Казулін.

Хочаш падзяліцца важнай інфармацыяй ананімна і канфідэнцыйна?