«Нашай Ніве» сталі вядомыя прынамсі тры выпадкі, калі вайскоўцам‑падпісчыкам газеты афіцэры забараняюць атрымліваць яе і канфіскуюць з карэспандэнцыі.Гэта здарылася з падпісчыкамі Ф.Вячоркам, З.Хведаруком, прызванымі з Мінску, і Дз., які быў прызваны з Бярозаўкі Гродзенскай вобласці.
Такія факты жыва ілюструюць ступень індактрынацыі беларускага афіцэрства. Ніякіх законных асноваў для такіх дзеянняў няма.
Гэта звычайнае выкарыстанне службовай пасады ў палітычных мэтах — асобныя афіцэры забараняюць салдатам чытаць тое, што не супадае з іхнымі ўласнымі культурнымі кодамі або палітычнымі поглядамі.Згодна ж з законамі краіны, СМІ маюць роўныя правы незалежна ад формаў уласнасці.
У сувязі з тым, што выпадкі дыскрымінацыі множацца, «Наша Ніва» мае намер звярнуцца да міністра абароны Беларусі з просьбай адрэагаваць на іх. Таксама
газета гатовая абараняць правы сваіх падпісчыкаў у судзе.
Просім нашых чытачоў паведаміць у Рэдакцыю пра іншыя аналагічныя пэўна вядомыя выпадкі.
0
0
0
0
0
0