Здарэнне адбылося 31 кастрычніка каля 18:30 у вёсцы Ячонка, паведамляе прэс-служба МУС.
Мужчына і жанчына зайшлі ў краму і пад пагрозай прадмета, падобнага да пісталета, забралі ў прадавачкі каля 2 тысяч рублёў. Затым звязалі жанчыну скотчам і збеглі.
Неўзабаве пацярпелай удалося вызваліцца і патэлефанаваць у міліцыю.
Да месца здарэння накіравалі следча-аператыўную групу і найбліжэйшыя нарады, у тым ліку і ўчастковага інспектара, які працаваў у суседняй вёсцы. Менавіта ён вызначыў месцазнаходжанне пары, якую ў хуткім часе затрымалі. Выкрадзеныя грошы знайшлі ў жанчыны.
Падазраваныя — жыхары Стоўбцаў, раней неаднаразова судзімыя 42-гадовы мужчына і 37-гадовая жанчына. Высветлілася, што на злачынства яны пайшлі з муляжом зброі.
Цяпер яны ў ізялатары.
