Амапавец Бекіш падаў у суд на «Нашу Ніву», просіць 3000 рублёў маральнай шкоды
Супрацоўнік АМАП ГУУС Мінгарвыканкама Андрэй Бекіш падаў у суд на «Нашу Ніву». Ён лічыць, што ў інтэрнэце былі распаўсюджаныя звесткі, якія ганьбяць яго гонар, годнасць і дзелавую рэпутацыю.
Імя сілавіка ў ліпені 2020 года апублікаваў блогер Нехта. Тады брутальныя збіцці на вуліцах яшчэ былі даволі рэдкімі, таму многія звярнулі ўвагу на хлопца ў цывільным, які прымаў удзел у жорсткім затрыманні грамадзяніна. Гэты хлопец у масцы аказаўся амапаўцам.
Аднакласнікі Бекіша расказалі карэспандэнту «Нашай Нівы» свае ўражанні ад сумеснай вучобы. Аднак амапавец лічыць, што гэтыя меркаванні «наўмысна скажоныя з мэтай стварэння негатыўнага стаўлення» да яго.
У сувязі з гэтым Андрэй Бекіш хоча атрымаць 3000 рублёў за «маральныя перажыванні, звязаныя з прыніжэннем яго як асобы».
Пасяджэнне Маскоўскага суда Мінска прызначана на 25 лістапада.
Цяпер чытаюць
Дзмітрый Лукашэнка хоча паставіць пад кантроль усе мабільныя тэлефоны11
Каментары