У матчы 28-га тура чэмпіянату па краіне па футболе «Шахцёр» і БАТЭ згулялі ў Салігорску ўнічыю — 1:1. Паміж камандамі застаўся адзін бал розніцы за два туры да фінішу. 

«Нёман» сёння перамог «Смалявічы» ў гасцях 4:1, а «Тарпеда-БелАЗ» выйграла ў гасцях у брэсцкага «Дынама» 3:2, Гродна і Жодзіна застаюцца ў гонцы за першае месца.

БАТЭ — 54, Шахцёр — 53, Нёман — 50, Тарпеда-БелАЗ — 50. Дынама Брэст — 48…

Зараз чэмпіянат возьме двухтыднёвую паўзу: матчы зборных. 

22 лістапада: БАТЭ — Белшына, Рух — Шахцёр, Нёман — Слуцк, Тарпеда-БелАЗ — Іслач. 

28 лістапада: Дынама Мінск — БАТЭ, Шахцёр — Мінск, Дынама Брэст — Нёман, Віцебск — Тарпеда-БелАЗ.

Хочаш падзяліцца важнай інфармацыяй ананімна і канфідэнцыйна?