32-гадовы мінчанін Дзмітрый Папай знаходзіцца на самаізаляцыі з пацверджаным каранавірусам. Кажа, што ў сям’і — жонка і двое малых дзяцей — скончыліся грошы, таму паехаў да сяброў, каб пазычыць. А па дарозе вырашыў падтрымаць дэманстрантаў добрай песняй і ўключыў у машыне «Родны кут».
Дзмітрый нават не выходзіў з машыны, але сілавікі палічылі ўключаную песню ўдзелам у несанкцыянаваным мерапрыемстве і выцягнулі хлопца з аўто.
На яго склалі пратакол за мітынг і за парушэнне правілаў ізаляцыі.
У Фрунзенскім РУУСе валанцёрам паведамілі, што хворы на каранавірус Дзмітрый Папай будзе чакаць суда ў Цэнтры ізаляцыі правапарушальнікаў на Акрэсціна.
0
0
0
0
0
0
