У Мінску затрымалі Таццяну Сініцу, кандыдатку псіхалагічных навук, дацэнта факультэта філасофіі і сацыяльных навук БДУ. Цяпер яна знаходзіцца ў Маскоўскім РУУС, паведамляе «Студэнцкая думка».
«Мы стаялі каля Мака. З-за кута два ціхары выскачыла. Мы думалі, яны нас схопяць. А яны ўзялі Сініцу», — расказалі Нашай Ніве два студэнты, якія апынуліся побач у той момант.
Прайшла інфармацыя, што затрыманне адбылося на Маршу мудрасці, але студэнты кажуць, што гэта было пазней. Таццяна Сініца ўсяляк падтрымлівала бастуючых студэнтаў.
0
0
0
0
0
0
