Сёння ў Гомелі адбылася мірная акцыя памяці. Людзям удалося сфармаваць некалькі калон у цэнтры горада, пішуць Моцныя навіны.
Нагадаем, у апошні час гамельчукам не ўдавалася сабрацца ў арганізаваны марш — перашкаджалі сілавікі. Сёння ў цэнтры горада таксама было шмат міліцыі, але правесці прыкметную акцыю дэманстранты змаглі.
Больш за сто чалавек хадзілі ад кардона да кардона па вуліцы Савецкай, а затым прамаршыравалі па праспекце Перамогі. Яшчэ адна група пратэстоўцаў правяла акцыю памяці ля касцёла. Вядома аб некалькіх затрыманых каля цырка. Міліцыя дзейнічала жорстка.
