25-гадовага праграміста пасадзілі на 4 гады за распылены ў міліцыянтаў пярцовы газ
Суд Фрунзенскага раёна Мінска пакараў 25-гадовага інжынера-праграміста 4 гадамі зняволення ў калоніі агульнага рэжыму, паведамляе spring96.org.
У суботу 5 верасня 25-гадовы інжынер-праграміст Павел Манкіненка прыйшоў з бел-чырвона-белым сцягам да народнага мемарыяла Аляксандру Тарайкоўскаму на вуліцы Прытыцкага.
Праз 10 хвілін да яго падышлі два міліцыянты. Каб унікнуць затрымання, Павал пырснуў у іх з газавага балончыка і кінуўся наўцёкі. Аднаму міліцыянту газ трапіў у вочы. Другі дагнаў Манкіненку на прыступках падземнага пераходу. Усчалася тузаніна, яны ўдвох паваліліся і скаціліся па сходах.
Тады Манкіненку ўдалося вырвацца і ўцячы. Але праз тыдзень яго затрымалі.
У апошнім слове Павал Манкіненка сказаў, што на волі можа прынесці значна больш карысці грамадству, чым у турме. Аднак суддзя Андрэй Млечка адправіў яго на 4 гады ў калонію агульнага рэжыму.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары