Грамадства

У Мінску пры дзіўных абставінах затрымалі актывістку. Яе адвезлі на допыт

Фота з фэйсбука Ірыны Шчаснай

Мінчанку Ірыну Шчасную затрымалі каля яе дома сёння, 18 лістапада. Пра гэта Tut.by паведаміла яе сястра Наталля. Затрыманне і наступны ператрус адбываліся на вачах 10-гадовага сына жанчыны.

Як распавяла сваячка Ірыны, яе затрымалі дома каля 13:50 супрацоўнікі сілавых структур і даставілі на допыт. Пасля гэтага ў кватэры жанчыны па вуліцы Валгаградскай на працягу дзвюх гадзін праводзілі ператрус. У выніку канфіскавалі ноўтбук, тэлефон, грашовыя сродкі.

Ірына паспела распавесці, што сёння да яе ў дзверы ўжо некалькі разоў грукалі, але яна не адкрывала. Жанчына не ведала, што яе маці збіраецца прыехаць, і не папярэдзіла яе.

— У мамы ёсць ключы ад Ірынай кватэры. Далей усё распавядаю са слоў мамы, — кажа сястра затрыманай Наталля. — Супрацоўнікі сілавога ведамства выглядалі як работнікі ЖЭСа. Калі мама заходзіла ў пад'езд дома Ірыны, «жэсаўцы» пацікавіліся, ці ёсць у кватэры гарачая вада. Мама адказала, што не пражывае тут і не можа адказаць на іх пытанне. Тады гэтыя супрацоўнікі зайшлі разам з ёй у пад'езд, а калі яна адчыняла дзверы кватэры, жорстка адштурхнулі яе — пенсіянерку 64 гадоў. Чалавек, які адштурхнуў маму, прадставіўся Паўлам Сідарчуком.

Наталля дадае, што ўсё апісанае адбывалася на вачах 10-гадовага сына Ірыны і вельмі яго напалохала.

— Мама сказала, што сілавікі паводзілі сябе вельмі груба і бесцырымонна. Яны сказалі, што Іру вязуць на допыт «у аддзяленне КДБ побач з паркам Горкага», — дадае Наталля. — Мама цяпер у шокавым стане і не можа дакладна сказаць. Пакуль гэта ўсе падрабязнасці.

Сваякі распавялі, што Ірына ўдзельнічала ў «плошчы-2010» і іншых апазіцыйных мерапрыемствах, за што сядзела «суткі» на Акрэсціна яшчэ некалькі гадоў таму. «Напэўна, і ў сацыяльныя сеткі выкладвала нешта «антыўрадавае» і было да чаго прычапіцца», — мяркуе сястра Наталля.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Усе навіны →
Усе навіны

Ціханоўская павіншавала Наўроцкага з абраннем на пост прэзідэнта Польшчы22

Лукашэнка паляцеў у Кітай. Гэта сустрэча павінна была адбыцца яшчэ ў студзені3

З'явіліся першыя спадарожнікавыя здымкі авіябазы «Белая», на якіх відаць наступствы атакі СБУ2

Сцяпан Пуціла: У час пратэстаў нас чатыры чалавекі ў рэдакцыі было. І дзвесце паведамленняў на хвіліну17

«Яны ўсе сябравалі супраць мяне». У Мінску судзяць мужчыну за лжывыя даносы на канкурэнтаў1

Апублікаваны поўны тэкст мірных прапаноў Украіны, якія Кіеў прадставіць на перамовах у Стамбуле7

Украіна перадала свой мемарандум Расіі на ўкраінскай і англійскай мовах4

Як выглядае самая недарагая кватэра ў сэрцы Мінска. Усяго за 295 тысяч даляраў1

Падарожнік з Казахстана расказаў, як прарываўся праз мяжу Беларусі і ЕС. Атрымалася толькі з трэцяй спробы7

больш чытаных навін
больш лайканых навін

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Галоўнае
Усе навіны →

Заўвага:

 

 

 

 

Закрыць Паведаміць