Попыт на жытло ў Мінску рэкордна нізкі. Ніколі яшчэ за апошнія 10 гадоў у кастрычніку не прадавалі так мала кватэр (статыстыка Realt.by). Паводле статыстыкі, у кастрычніку 2020 года здзелак куплі-продажаў у Мінску было толькі 676. Для параўнання, за аналагічны перыяд мінулага года іх было ажно 1456.
У той жа час аб'ём прапановы кватэр рэкордны за ўсю гісторыю. Гэта прадвяшчае абвал цэн на нерухомасць у наступныя месяцы.
Рынак нерухомасці ў Беларусі з'яўляецца адным з індыкатараў стану беларускай эканомікі, якая моцна пацярпела за апошнія месяцы праз глабальныя наступствы каранавіруса і працяглы палітычны крызіс унутры краіны.
