22 лістапада была затрыманая ў Мінску старшы выкладчык кафедры інжынернай псіхалогіі і эрганомікі БДУІР Юлія Пашкоўская, паведамляе dev.by са спасылкай на тэлеграм-канал Мірны БДУІР.
Выкладчыцу затрымалі ў двары ўласнага дома, калі яна выгульвала сабаку і ішла з сяброўкай да суседняга дома, каб сустрэць дзіця. Юлія Пашкоўская выказалася наконт таго, што дзеці баяцца самастойна ісці дадому, калі па двары бегаюць «касманаўты». У выніку яе затрымалі разам з сабакам і павезлі спачатку ў Першамайскі РУУ, а потым на Акрэсціна.
Юлія Пашкоўская — адна з удзельніц страйку супрацоўнікаў БДУІР. Таксама яна была адной з відэазваротаў да беларусаў з заклікам паступаць па сумленні.
Гэта не першае затрыманне выкладчыкаў БДУІР за апошні час.
0
0
0
0
0
0
