У канцы красавіка выйшла ў свет богаслужэбная брашура «Малебен за беларускі народ з акафістам і жыціем Віленскіх мучанікаў Антонія, Іаана і Яўстафія».
Выданне падрыхтавана і здзейснена Брацтвам у гонар Віленскіх мучанікаў, якое з 1993 года ў Свята‑Петра‑Паўлаўскім саборы ў Мінску кожную сераду ў 17‑00 служыць такі малебен з акафістам, прычым, пачынаючы з 1996 г., — па‑беларуску.
Брашура прысвечана 25‑годдзю Сабора Беларускіх Святых, якое сёлета адзначаецца. Выданне адрасавана шырокаму колу чытачоў, паколькі змяшчае грунтоўнае і падрабязнае жыціе Віленскіх мучанікаў, а таксама Акафіст, які можна чытаць у хатнім ужытку, малітоўна звяртаючыся да святых апекуноў зямлі Беларускай.
Набыць брашуру можна ў кніжнай лаўцы Свята‑Петра‑Паўлаўскага сабора (220004, г. Мінск, вул. Ракаўская, 4) і ў Брацтве (адрас такі самы, тэл. 226‑98‑15).
0
0
0
0
0
0