16.05.2009 / 18:29

Групу беларусаў затрымалі на маскоўскім гей-парадзе +Фота 19

Беларуская амбасада ў Маскве ўстрымалася ад намеру абараняць правы затрыманых суайчыннікаў.

Беларуская амбасада ў Маскве ўстрымалася ад намеру абараняць правы затрыманых суайчыннікаў.

Актывісты ЛГБТ-руху (рух за правы сэксуальных і гендэрных меншасцяў) з Беларусі былі затрыманныя сёння 16 траўня ў Маскве на Вераб'ёвых горах, паведамляе БелаПАН. Маскоўская міліцыя затрымала больш за 30 удзельнікаў несанкцыянаванага гарадскімі ўладамі «Славянскага гей-параду», сярод іх – 11 грамадзянаў Беларусі, яшчэ двое затрыманых маюць від на жыхарства ў Беларусі. Паводле словаў суарганізатара акцыі з беларускага боку Сяргея Андросенкі, акцыя працягвалася не больш за 10 хвілінаў, у часе якой беларусы разгарнулі бел-чырвона-белы і чырвона-зялёны сцягі ды расцяжку «Раўнапраўе без кампрамісаў».

Затрыманых беларусаў адвезлі ў пастарунак, адкуль яны звязаліся з амбасадай Беларусі ў Маскве, аднак атрымалі адмову дапамагчы, паколькі акцыя не была санкцыянаваная градскімі ўладамі Масквы. Толькі пасля абяцання звярнуцца да прэсы, у пасольстве нібыта пагадзіліся прыехаць да затрыманых.

Маскоўскія ўлады загадзя папярэдзілі арганізатараў параду, што не дапусцяць яго правядзення, кіраўніцтва гарадской міліцыі заявіла, што мэта такіх акцый – не абарона правоў меншасцяў, а правакацыя беспарадкаў.

Разгон гей-параду ў Маскве прыцягнуў увагу еўрапейскіх СМІ, але ні «Gazeta Wyborcza», ні «Euronews» ні словам не адгукнуліся пра «беларускі дэсант» на Вераб’ёвых гарах.

Разгон акцыі ў Маскве можа мець працяг ужо сёння ўвечары. У пятніцу прадстаўнікі Галандыі на «Еўрабачанні» прыгразілі байкатаваць фінал конкурсу, калі парад у Маскве будзе разагнаны міліцыяй.

Паводле БелаПАН

0
Med / Адказаць
16.05.2009 / 19:02
Proszę o wyjaśnienie, dlaczego Gazeta Wyborcza, albo Euronews powinny zajmować się gejowską paradą w Moskwie? Kompletnie nie rozumiem...
0
Юрась Зянковіч / Адказаць
16.05.2009 / 19:11
Якое б не было маё стаўленьне да ЛГБТ-руху, але як амбасада можа адмовіць сваім грамадзянам дапамогі?!
0
kasja) / Адказаць
16.05.2009 / 19:20
!Kozny z nas mae prava kahac' taho, kaho jon sapraudy kahae <3!
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру