Цяпер Яўген Юшкевіч на Акрэсціна, паведаміў у сваім тэлеграм-канале Антон Матолька. Яго затрымалі ўчора каля 22:00 гадзін. 

Яўген Юшкевіч родам з Магілёва. У 2012 годзе скончыў юрфак БДУ, два гады працаваў пазаштатным супрацоўнікам у следстве мінскай пракуратуры, потым яшчэ пяць — следчым, але потым сышоў з пасады старшага следчага аддзела па расследаванні эканамічных злачынстваў упраўлення СК па Мінску. 

Потым Яўген сышоў у андроід-распрацоўшчыкі, а летам 2020 года стаў ініцыятарам праекта bychange.me, які «дапамагае ў навучанні, перападрыхтоўцы сілавікоў, дзяржслужачых і проста людзей, якія былі звольненыя або якія пайшлі з працы па меркаваннях сумлення», піша Tut.by.

Яўген таксама актыўна вёў твітар, дзе выказваўся аб сітуацыі ў Беларусі і аб працы сілавых структур. Цяпер яго акаўнт недаступны.

Чытайце. Былы топ-следчы пра рэаліі работы СК: як працуе, што баліць і як змяніць да лепшага

Хочаш падзяліцца важнай інфармацыяй ананімна і канфідэнцыйна?