Грамадства

Што вядома пра палітзняволеную выкладчыцу БДУІР Вольгу Філатчанкаву

Па стане на раніцу 25 лістапада ў Беларусі 143 чалавекі прызнаныя палітычнымі зняволенымі. Выкладчыца БДУІР — адна з іх. Супрацоўнікі КДБ затрымалі яе 12 лістапада пасля ператрусу ў яе дома. Ёй выставілі абвінавачанне па ч. 1 арт. 342 КК — «Арганізацыя альбо ўдзел у групавых дзеяннях, якія груба парушаюць грамадскі парадак». Другі тыдзень Вольгу трымаюць пад арыштам. Spring96.org паразмаўляла з сынам палітвязняволенай Іванам і распавядае гісторыю Вольгі.

Хто такая Вольга Філатчанкава?

Вользе 41 год, яна працавала асістэнткай кафедры «Праграмнага забеспячэння інфармацыйных тэхналогій» у Беларускім дзяржаўным універсітэце інфарматыкі і радыёэлектронікі.

У Вольгі двое дзяцей — сямігадовая дачка і 18-гадовы сын Іван. Ён вучыцца ў гэтым жа ўніверсітэце, дзе працуе яго мама, толькі на іншым факультэце — факультэце інфакамунікацый.

Як распавядае Іван, Вольга шмат чым захаплялася ў вольны ад працы час:

«Яна ўсё жыццё танчыць — гэта ў нас сямейнае. Апошнія некалькі гадоў яна вывучала нацыянальную культуру. Таксама яна цікавілася прыватнымі дзіцячымі садамі».

«Гэта можа закрануць кожнага». Што вядома пра грамадзянскую пазіцыю Вольгі

26 кастрычніка ў Беларусі пачалася раней анансаваная нацыянальная забастоўка. Яе падтрымалі многія ўстановы і работнікі Беларусі, у прыватнасці студэнты і выкладчыкі. Вольга Філатчанка, з'яўляючыся выкладчыцай БДУІР на факультэце камп'ютарных сістэм і сетак, таксама ўзяла ўдзел у забастоўцы. У гэтым універсітэце першапачаткова да страйку адкрыта далучыліся 38 выкладчыкаў.

Пра сваю грамадзянскую пазіцыю Вольга заявіла ў сумесным відэазвароце выкладчыкаў БДУІР супраць гвалту. У ім выкладчыца на беларускай мове звярнула ўвагу на палітычны пераслед студэнта 4-га курса іх універсітэта, члена стачкама Дзмітрыя Мазуру, якога за ўдзел у акцыях пратэсту па артыкуле 23.34 КаАП у сукупнасці асудзілі на 38 сутак арэста.

«Наш студэнт Дзмітрый Мазура публічна выказаў сваю грамадзянскую пазіцыю аб тым, што нельга быць абыякавымі і што гэта можа закрануць кожнага з нас. Вынік — 38 содняў арышту», — кажа Вольга ў відэа.

Вядома таксама, што Вольга была незалежнай назіральніцай за выбарамі на гэтай прэзідэнцкай кампаніі. Сілавікі пры ператрусе забралі ў яе ўсе дакументы і запісы, звязаныя з гэтым.

Сын выкладчыцы Іван не можа дакладна сказаць, чаму яна вырашыла назіраць на гэтай прэзідэнцкай кампаніі.

«Напэўна, таму што сітуацыя ўжо зусім абуральная. Усё ж такі ўлада павінна мяняцца», — лаканічна сказаў Іван.

Вольга, як і многія ў нашай краіне, выступала супраць гвалту пасля жнівеньскай падзей. Яна падпісалася пад зваротам беларускіх навукоўцаў ад 13 жніўня да ўладаў з патрабаваннем неадкладна спыніць любы гвалт у дачыненні да мірных грамадзян і вызваліць усіх затрыманых дэманстрантаў і палітвязняў. Зварот падтрымалі больш за дзве тысячы навукоўцаў, выкладчыкаў, супрацоўнікаў навуковых устаноў Рэспублікі Беларусь.

«Яшчэ пару хвілін — і яны б пачалі ламаць дзверы»

Вольга Філатчанкава была затрыманая супрацоўнікамі Камітэта дзяржаўнай бяспекі 12 лістапада пасля ператрусу ў сябе дома. Іван распавёў, як у іх дома праходзіў ператрус:

«Праводзілі ператрус трое невядомых аператыўнікаў і адзін старшы лейтэнант КДБ. У кватэру мы іх упусцілі самі, бо яшчэ пару хвілін — і яны б пачалі ламаць дзверы. Яны ўжо выклікалі сілавую групу, і калі мы іх пусцілі, то яны тэлефанавалі і казалі: «Усё, хлопцы, не трэба, мы ўвайшлі».

Ператрус адбываўся бязладна. Незразумела было, якія прычыны для ператрусу. З пастановы не было ясна, на якіх падставах склаліся здагадкі аб тым, што па дадзеным адрасе могуць быць нейкія дакументы. Ператрус праходзіў без адваката, бо яе адмовіліся пусціць. Ды і наогул ператрус быў больш падобны на агляд з прыхільнасцю. Яны не пераварочвалі дом уверх дном, але як быццам шукалі нешта канкрэтнае. У выніку канфіскавалі ўсю тэхніку: мамы і маю. Таксама забралі мамін працоўны сшытак назіральніка і нейкія дакументы з нагоды назірання на выбарах».

Саму Вольгу затрымалі адразу пасля гэтага ператрусу. Сказалі, што яе вязуць проста на гутарку, але дамоў яна не вярнулася.

Яе змясцілі ў СІЗА КДБ, а потым перавялі ў СІЗА-1 на вуліцы Валадарскага. Вользе выстаўленае абвінавачванне паводле ч. 1 арт. 342 Крымінальнага кодэкса — «Арганізацыя альбо ўдзел у групавых дзеяннях, якія груба парушаюць грамадскі парадак». Санкцыя гэтай нормы прадугледжвае да трох гадоў пазбаўлення волі. Мера стрымання — утрыманне пад вартай. Аднак у чым канкрэтна абвінавачваюць выкладчыцу — невядома.

У адваката Вольгі, як і ў многіх іншых адвакатаў па палітычных справах, узялі падпіску аб неразгалошванні.

23 лістапада беларуская праваабарончая супольнасць прызнала Вольгу Філатчанкаву палітзняволенай.

Адрас для лістоў Вользе: СІЗА-1, вул. Валадарскага, 2, г. Мінск, 220030

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі15

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Усе навіны →
Усе навіны

Хто такі Джэйсан Дэрула, якога прэм’ер Турчын вадзіў па Доме ўрада8

Олівер з ЗША вывучыў беларускую мову, бо даведаўся, што яго продкі з Магілёва57

«Выйшаў з бальніцы з дзвюма адкрытымі ранамі». Беларусу ў Польшчы зрабілі аперацыю, а праз два дні выпісалі12

Адмін беларускай Вікіпедыі: Давайце спынім пісаць пра бяздарнасцяў толькі таму, што яны беларусы або эмігранты50

Расія ўдарыла па некалькіх абласных цэнтрах Украіны

«Дурная выдумка». Макрон падаў у суд на жанчыну, якая назвала яго жонку мужчынам

На Брэстчыне зноў шукаюць магчымасці пазбавіць прыгажэнны помнік ахоўнага статусу. Загад паступіў зверху4

Цела загінулага матацыкліста два дні ляжала на ўзбочыне, бо паліцыі Польшчы і Літвы не змаглі дамовіцца паміж сабой7

Стала вядома, пра што сёння гаварылі ўкраінцы і расіяне ў Стамбуле1

больш чытаных навін
больш лайканых навін

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі15

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Галоўнае
Усе навіны →

Заўвага:

 

 

 

 

Закрыць Паведаміць