БелТА
Пра гэта Аляксандр Лукашэнка заявіў на сустрэчы з міністрам замежных спраў Расіі Сяргеем Лаўровым, піша БелТА.
«Што тычыцца беларуска-расійскіх адносін, то нам трэба, можа быць, не аб нейкай перазагрузцы казаць, але аб узмацненні, інтэнсіфікацыі нашых адносін. Тэзіс абсалютна напрошваецца. Не проста тэзіс, а практыка. Я хачу, каб вы разумелі і ведалі, што мы да гэтага гатовыя. Мы хацелі б мець не проста добрасуседскія адносіны, мы б хацелі мець братэрскія адносіны з Расійскай Федэрацыяй. Я нічога новага не сказаў, проста, слухаючы мяне, не заўсёды хацелі падкрэсліваць і паўтараць. Асабліва ў Расіі. Але час паказаў, што нам нікуды не дзецца ад асабліва цесных і сяброўскіх адносін», — сказаў Лукашэнка.
«Нашы сустрэчы заўсёды прадуктыўныя, з майго пункту гледжання, прынамсі для мяне асабліва і для Беларусі, для нашай перш за ўсё знешняй палітыкі, бо ёсць магчымасць, як вы часта кажаце, зверыць гадзіннікі, і мы гэтым карыстаемся», — сказаў Лукашэнка.
«Перш за ўсё прывітанне вам ад Уладзіміра Уладзіміравіча [Пуціна]. Ён пацвердзіў усё, пра што вы дамовіліся з ім раней, асабліва ў Сочы. У нас цалкам супадае зацікаўленасць ва ўмацаванні адносін. Можна па-рознаму называць, але ў нас тая ж самая мэта: прасоўвацца да ўзаемнай выгады нашых народаў, краін і Саюзнай дзяржавы», — падкрэсліў Сяргей Лаўроў.
