20.05.2009 / 11:30

З 1 ліпеня Беларусь будзе купляць расійскі газ па $200‑205 6

У разліках кошту газу для Беларусі на 2009 год прадугледжана яго паэтапнае паніжэнне з улікам сусветнага падзення цэн на нафту.

З 1 ліпеня цана на газ для Беларусі складзе прыкладна 200—205 даляраў ЗША за тысячу кубаметраў. Пра гэта паведаміў першы віцэ‑прэм’ер Уладзімір Сямашка, выступаючы 20 мая на пленарным пасяджэнні ў межах Беларускага прамысловага форуму ў Мінску.

Паводле слоў віцэ‑прэм’ера, у структуры сабекошту прыроднага газу вялікую долю мае транспартны складнік. Менавіта таму для Беларусі расійскі газ таннейшы, чым для Еўропы.

Нагадаем, у разліках кошту газу для Беларусі на 2009 год прадугледжана яго паэтапнае паніжэнне з улікам сусветнага падзення цэн на нафту.

Гэта ўрэгулявана дадатковым пагадненнем да кантракта на пастаўку газу ў Беларусь у 2007—2011 гадах, якое «Газпром» і «Белтрансгаз» падпісалі ў пачатку лютага. Згодна з формулай разліку цаны на газ, прапісанай у дзейным кантракце, кошт газу для Беларусі прывязаны да сярэднееўрапейскай цаны з улікам паніжальнага каэфіцыента. Да 2011 года Беларусь павінна выйсці на аплату газу па еўрапейскай цане.

Дакладная цана, па якой Беларусь купляе газ цяпер, афіцыйна не называецца. Паводле некаторых звестак, гэта прыблізна 147 даляраў за тысячу кубаметраў.

БелаПАН

0
Вечерний дозор / Адказаць
20.05.2009 / 12:01
И эти люди что-то впаривали нам о "падающей цене"?
0
ах забыў... магадан / Адказаць
20.05.2009 / 12:23
1) З 1 ліпеня Беларусь будзе купляць расійскі газ па $200‑205 2) у разліках кошту газу для Беларусі на 2009 год прадугледжана яго паэтапнае паніжэнне 3) цана, па якой Беларусь купляе газ цяпер, афіцыйна не называецца. Паводле некаторых звестак, гэта прыблізна 147 даляраў за тысячу кубаметраў. Паніжэнне з 147 да 200? Вы таксама гэта заўважылі? У чым прыкол, НН.
0
lapa_jaguara / Адказаць
20.05.2009 / 13:59
Сямашка прас..ў перамовы па газу, цяпер нясе лухту, каб дупу выратаваць. Мы ж куплялі газ у першым квартале па 210 даляраў, і ён бажыўся, што далей будзе па 160. http://www.belradio.fm/ru/787/news/29669/ Але ж вышла чамусьці па 205. Пан Сідорскі, вымову Сямашку у плечы, надта яго мары аб прэм’ерскай пасадзе непакояцьі. Гніды, і ўсё…
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру