23 жніўня ў Эстоніі стане Днём памяці ахвяраў нацызму і сталінізму.

Адпаведную прапанову Міністэрства юстыцыі ўхваліў 21 траўня ўрад краіны. Цяпер папраўкі павінны быць унесеныя ў закон «Аб святах і значных датах».

23 жніўня 1939 году была заключана дамова аб ненападзе паміж СССР і Нямеччынай, г.зв. пакт Молатава — Рыбентропа. Згодна з сакрэтнымі пратаколамі пагаднення, Усходняя Еўропа была падзелена на сферы ўплыву паміж нацысцкай Нямеччынай і СССР. Эстонія трапіла ў сферы ўплыву Масквы.

Праз год краіна была акупавана савецкімі войскамі.

postimees.ee