Сёння ў Мінску пенсіянеры сабраліся на чарговы Марш. Яны традыцыйна збіраюцца на плошчы Незалежнасці, каб прайсці шэсцем па праспекце.

Гэтым разам сілавікі не далі прайсці Маршу і 300 метраў, заблакаваўшы праспект на рагу з Валадарскага.

Людзі рушылі ў абыход па Валадарскага. Затым сілавікі перагарадзілі дарогу і там, у раёне Гарадскога Вала. Праходзячы каля СІЗА №1 на Валадарскага, людзі скандавалі «Выпускай!»

Затым яны рушылі ў бок Раманаўскай слабады і дайшла да Фрунзенскай.

Радыё Свабода

Аднак частка пенсіянераў змагла прарвацца праз ачапленне і прайсці па праспекце да ГУМа, дзе ім зноў заблакавалі праход.

Тады калона развярнулася і пайшла назад, паралельна ім бяжыць вялікая колькасць сілавікоў і ездзяць аўтобусы.

Такім чынам, у Мінску сёння паралельна адбываюцца два Маршы. Цэнтр часткова перакрыты.

15:50

Частка пенсіянераў вярнулася да СІЗА да Валадарскага, чытачы Tut.by паведамілі, што некалькі пенсіянераў затрымалі і пагрузілі ў аўтазакі. Маленькая група здолела дайсці да плошчы Якуба Коласа.

***

Маршы пенсіянераў праходзяць у панядзелкі. Першы прайшоў 5 кастрычніка, амаль два месяцы таму.

Хочаш падзяліцца важнай інфармацыяй ананімна і канфідэнцыйна?