Студэнт 4-га курса БДУІР Ян Салановіч, якога з пачатку лістапада ўжо 6 разоў асудзілі агулам на 86 сутак арышту, прызнаны палітычным зняволеным. Цяпер у Беларусі 145 палітвязняў.
Яну Салановічу 21 год, ён вучыцца на інжынера на чацвёртым курсе БДУІР. 1 лістапада яго затрымалі на нядзельным мірным маршы ў Курапаты.
Пасля адбылося дзіўнае — Ян Салановіч прызнаўся, што ўдзельнічаў аж у 15 (!!!) мітынгах. Цяпер хлопец сядзіць у ЦІП на Акрэсціна, і кожныя некалькі дзён над ім ідуць суды.
З чым жа звязаная сітуацыя? Чаму звычайнага студэнта так жорстка караюць?
Магчыма, гэта звязана з працай Яна. 1 верасня хлопец уладкаваўся на працу ў КДБ.
