Распрацоўшчык распавёў пра дзіўнасці з сайтам-лістом ад праўладных спартсменаў
У Беларусі запусцілі athletes.by — сайт з заклікам да грамадскасці «ўспомніць, што спорт заўсёды быў і застаецца па-за палітыкай!» і не звяртаць увагу на «звароты ўдзельнікаў некаторых незаконных псеўдаспартыўных структур, якія знаходзяцца за мяжой». Сярод падпісантаў пазначаны знакамітыя спартсмены і трэнеры, першаразраднікі і невядомыя, піша Dev.by.
Выданне пагаварыла з распрацоўшчыкам (папрасіў захаваць ананімнасць), які заўважыў дзівацтвы на сайце. А менавіта:
- Ліст немагчыма падпісаць. Трэба запоўніць анкету, потым увесці код пацверджання, які павінен прыйсці на пошту. Але ён туды не адпраўляецца — праверылі на некалькіх e-mail-адрасах. Можа, хтосьці паламаў форму, яна сама паламалася ці ніколі і не працавала.
- Хутчэй за ўсё, звесткі статычныя і ўносяцца рукамі. Гэта адносіцца і да агульнай лічбы тых, хто падпісаўся, і да табліцы з подпісамі. Пра гэта таксама ўскосна сведчыць дынаміка напаўнення. Калі ўявіць, што ёсць сістэма, праз якую дадаюцца гэтыя подпісы, яны б дадаваліся па 1-5-10 штук — раўнамерна. А на сайце падпісанты з'яўляюцца пачкамі па некалькі сотняў за апдэйт.
- Форма «падпісацца» адпраўляе звесткі па цікавым адрасе, гл. карцінку ніжэй. Спадзяёмся, у распрацоўшчыка ўсё добра.
Акрамя таго, сайт перыядычна становіцца недаступным.
Цяпер чытаюць
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»23
Каментары