Салігорац заплаціць 7400 рублёў за тое, што палічыў намесніка начальніка мясцовай міліцыі не вельмі прыгожым чалавекам
Летам Раман Маскадыня пакінуў у суполцы «Салігорск.org» каментар, у якім даў негатыўную характарыстыку знешнасці намесніка начальніка мясцовага РУУС Сяргея Салаўя.
У той дзень салігорская міліцыя разганяла ланцуг салідарнасці з рэпрэсаванымі палітыкамі.
А 23 лістапада Маскадыню за той каментар судзілі па артыкуле 369 Крымінальнага Кодэкса (абраза прадстаўніка ўлады).
Заяву, мяркуючы па матэрыялах суда, падаў сам Салавей, які ўбачыў допіс пра сябе ў інтэрнэце і каментары пад ім.
Суддзя Вольга Пракаповіч палічыла, што за такі каментар Маскадыню трэба аштрафаваць на 5400 рублёў.
Сяргей Салавей запрасіў 3000 рублёў кампенсацыі, суддзя задаволіла яго просьбу часткова — на 2000 рублёў.
Такім чынам, агульны рахунак за каментар у сацсетках — 7400 рублёў.
«Мне далі максімальны штраф. Сам Салавей у суд не з’явіўся — нібыта быў на самаізаляцыі. Я віну прызнаў і раскаяўся, а рашэнне суда магу патлумачыць толькі так: у дзяржавы няма грошай», — сказаў «Нашай Ніве» Маскадыня.
На карысць дзяржавы канфіскавана таксама «прылада злачынства» — тэлефон iPhone 7.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары