Мужчыну, які павесіў на мосце пудзілы з фота міністра ўнутраных спраў і старшыні Хацежынскага ўчастка для галасавання з надпісамі «Не забудзем, не даруем», затрымалі пад Мінскам, паведамілі ў МУС.

Пудзілы выявілі 15 і 17 лістапада. У ходзе правядзення аператыўна-вышуковых мерапрыемстваў супрацоўнікамі Ждановіцкага аддзела міліцыі Мінскага РУУСа быў затрыманы 38-гадовы жыхар пасёлка Хацежына.

Затрыманы рэгулярна наносіў «Пагоню» на масты ў ваколіцах Хацежына.

У дачыненні да затрыманага распачаты адразу тры крымінальныя справы: дзве — па ч. 1 арт. 339 («Хуліганства») і па арт. 341 («Апаганьванне будынкаў і псаванне маёмасці») КК.

Хочаш падзяліцца важнай інфармацыяй ананімна і канфідэнцыйна?